Ka mbetur vetëm një javë nga dita kur do të mbahen zgjedhjet paralamentare në vend, nga kjo e hënë Policia e Shtetit do kalojë në gatishmëri për të garantuar rendin.

Mësohet, se uniformat blu kanë hartuar edhe një plan masash, për të ndërhyrë në çdo situatë që mund të cenojë procesin zgjedhor, por një gjë e tillë mund të bëhet vetëm kur kërkohet nga Komisioni Qendror i zgjedhjeve ose i qendrave të votimit.

Përveç mbarëvajtjes së procesit zgjedhor, efektivët e policisë do mbajnë nën vëzhgim çdo element kriminal që do tentojë të ndërhyjë, duke u bërë presion apo shantazh qytetarëve për votën e 25 Prillit. Burime bëjnë me dije se bashkëpunim do të ketë edhe me Ministrinë e Mbrojtjes, për të marrë në ruajte objektet e rëndësisë së veçantë.