Categories Lajme

Nisin punimet për 7 urat e Kukës-Morinë

Brenda Dhjetorit do të përfundojnë 5 urat e dubluara dhe lidhja e tyre me rrugën, duke u bërë të qarkullueshme për automjetet nga Kukësi në Morinë dhe anasjelltas. Autoriteti Rrugor Shqiptar që ka tenderuar punimet garanton se urat do të jenë funksionale në të dyja krahët brenda muajit Dhjetor. Ndërkohë që punimet në urat e dubluara dhe ato që kishin ngelur pa përfunduar po kryhen nga firma kontraktuese “Vega Construction”.

Ndërsa janë vendosur trarët edhe për dy urat e tjera të mëdha tek Uzina, burime për Televizonin Klan thanë se punimet priten të zgjasin disa muaj për shkak të vështirësive teknike. Por pas afro 10 vitesh që nga koha e inaugurimit të Rrugës së Kombit, punimet i rinisura pritet t’i japin fund edhe makthit të udhëtarëve në këtë segment rrugor.

“Ndodhemi në segmentin rrugor Kukës-Morinë, një nga akset më të rrezikshme për shkak të aksidenteve të shumta automobilistike. Edhe pse ishte thënë se ky aks rrugor do të ishte gati në fund të Dhjetorit, bashkë me urat e dubluara, firma po kryen ende punime për të lidhur urat me pjesën e rrugës. Duhet të presim deri në fund të këtij viti, për të parë nëse ky aks rrugor do të jetë gati me të gjitha standardet rrugore”.

“U bë mbi një vit një urë kjo është turp, po na kap viti 2019. Po nuk është nevoja me ardhur firmë greke këtu, a pak ka firma tonat. Na pengon mospërfundimi i urës, ja shihe vetë. Aksidente ka pasur pikërisht në këtë urë”, thotë një drejtues automjeti.

Edhe Kryeministri i Kosovës, Ramush Haradinaj, në mbledhjen e dy qeverive në Pejë, i kërkoi kreut të qeverisë shqiptare përfundimin sa më shpejt të punimeve në këtë aks.

Për shkak të punimeve në 7 urat e dubluara, drejtuesit e automjeteve janë të detyruar të qarkullojnë vetëm në një krah të rrugës. Projekti për rrugën Kukës-Morinë u ndryshua vitet e fundit, pasi gjerësia e urave nuk përputhej me gjerësinë e rrugës dhe nivelin e saj, duke kërkuar ndërhyrje në punime me rakordime dhe plotësime.

Leave a Reply

Your email address will not be published. Required fields are marked *

Lexoni Gjithashtu

Categories Lajme

Lezhë/ Apeli lë në fuqi pezullimin e kreut të Kadastrës dhe përgjegjësit të Legalizimeve

Gjykata e Apelit ka lënë në fuqi pezullimin nga detyra të Drejtorit të Agjencisë së…

LEXO ME SHUME
Categories Lajme

Tiranë,Kapet dhe vihet në pranga një 45-vjeçar që posedonte armë zjarri, me qëllim shitjen

Tiranë, Në zbatim të masave të përcaktuara në planin operacional mbarëkombëtar “Sundimi i ligjit”, u…

LEXO ME SHUME
Categories Lajme

U zbulua në përgjimet e “SKY” me mbretin e lojërave të fatit, arrestohet në Dubai Denis Bajri Brajoviç

Është arrestuar në Dubai shtetasi Denis Bajri Brajoviç, i cili ishte shpallur në kërkim për…

LEXO ME SHUME
Categories Lajme

Masakra e “Don Boskos”, gazetari jep detaje: Si e largoi punonjësi i karotrecit vrasësin

Gazetari Eni Ferhati ka treguar dinamikën e vrasjes së Erion Çelës në Don Bosko, e…

LEXO ME SHUME
Categories Lajme

Këmbimi valutor/ Me sa blihen e shiten dollari dhe euro, çfarë ndodh me monedhat e tjera

Në tregun e këmbimit valutor sot një dollar amerikan do të blihet me 95.4 lekë…

LEXO ME SHUME