Një balenë ka përfunduar mbrëmjen e së mërkurës në plazhin De Haan në Belgjikë, një fenomen i pazakontë që vërehet në bregdetin flamand, njoftoi Instituti Mbretëror i Shkencave Natyrore të Belgjikës (IRSNB).
Balena e gjinisë mashkullore me një gjatësi rreth 18 metra dhe peshë 35 ton besohet të ketë ngordhur në kohën që ka ngecur në cekëtinën e bregdetit. Ajo ishte pikasur në det të mërkurën në mesditë dhe po ndiqej nga ekipet shkencore.
”Thuajse 21 vite më parë ishte konstatuar një balenë e bllokuar në bregdetin belg”, sipas medias lokale. Specie në mbrojtje, ky është gjitari i dytë më i madh pas balenës blu. Shkaqet e ngordhjen nuk dihen për momentin. Trupi i pajetë do të zhvendoset sot në mesditë për të studiuar.
