Ish-deputetja e PD-së, Orjola Pampuri ka bërë një deklaratë të fortë në Fax News, ku ka thënë se një nga banorët e Astirit, sipas saj ndodhet në morg.

Sipas Pampurit bëhet fjalë për një nga protestuesit e Unazës së Re, por nga Spitali i Traumës nuk ka ende një konfirmim të tillë për gazetarët e Fax News. Duhet thënë se Pampuri i referohej deklaratave të banorëve, një pjesë e të cilëve ndodhen të terrorizuar dhe janë ngujuar në banesa.

Sipas deputetes bëhet fjalë për një person të moshuar, i cili mëngjesin e sotëm, u transmetua në media, teksa qëndronte i shtrirë në rrugë.

Më pas ai u transportua drejt spitalit të Traumës, ndërsa dukej në gjendje të rëndë. Ndërkohë në spital ka shkuar në nëntë numri i personave të lënduar ndërsa nga radhët e efektivëve të policisë kanë qenë pesë.