Meta po lëshon një version komercial të modelit të saj të inteligjencës artificiale me burim të hapur Llama, tha kompania të martën, duke u dhënë start-up-eve dhe bizneseve të tjera një alternativë të fuqishme pa pagesë ndaj modeleve të kushtueshme të shitura nga OpenAI dhe Google.

Versioni i ri, i quajtur Llama 2, do të shpërndahet nga Microsoft përmes shërbimit të tij cloud Azure dhe do të funksionojë në sistemin operativ Windows, tha Meta në një postim në blog, duke iu referuar Microsoft si “partneri i preferuar”.

Modeli, të cilin Meta më parë e siguroi vetëm për akademikë të përzgjedhur për qëllime kërkimore, gjithashtu do të vihet në dispozicion përmes shkarkimit të drejtpërdrejtë dhe përmes shërbimeve web të Amazon, Hugging Face dhe ofruesve të tjerë, sipas postimit në blog dhe një postimi të veçantë në Facebook nga CEO i Meta-s, Mark Zuckerberg.

Bërja e një modeli aq të sofistikuar sa Llama gjerësisht të disponueshëm dhe falas për bizneset, kërcënon të përmbysë dominimin e hershëm të vendosur në tregun e sapolindur të AI nga lojtarë si OpenAI, të cilin Microsoft e mbështet dhe modelet e të cilit tashmë ua ofron klientëve të biznesit përmes Azure.

Llama e parë ishte tashmë konkurruese me modelet që fuqizojnë ChatGPT të OpenAI dhe chatbot Bard të Google, ndërsa Llama e re është trajnuar me 40% më shumë të dhëna se paraardhësit e tij, me më shumë se 1 milion shënime nga njerëzit për të rregulluar cilësinë e rezultateve të saj, tha Zuckerberg.