Një tjetër humbje nga bluzat e bardha. Farmacistja Marinaqi Hazizi (Kondakçi), është ndarë nga jeta ditën sotme, pas një beteje me Covid-19, të cilët nuk ka mundur ta fitojë.Lajmi është bërë i ditur nga Urdhri i Farmacistëve, i cili shpreh ngushëllimet për këtë humbje të pazëvendësueshme. Reagimi: Të nderuar kolegë:Me hidhërim të thellë njoftojmë ndarjen nga jeta për shkak të COVID-19 të koleges sonë të nderuar Marinaqi Hazizi (Kondakçi).
Marinaq Hazizi lindi më 10.01.1954, në qytetin e Lushnjës. Ne vitin 1977 përfundoi studimet e larta për farmaci në Universitetin e Tiranës. Marinaqi jetonte dhe e ushtronte profesionin e vet në qytetin e lindjes në Lushnjë. Urdhri i Farmacistëve të Shqipërisë i shpreh ngushëllimet e sinqerta familjarëve, miqve, kolegëve dhe gjithë të dashurve të saj për këtë humbje të pazëvendësueshme. Qoftë i paharruar kujtimi i saj!
