Vëllai i vogël i lojtarit të kombëtares shqiptare Arlind Ajetit, ka nënshkruar një kontratë 4 vjeçare me West Ham në Premier League. Bëhet fjalë për Albian Ajeti i cili ka kombësi zviceriane, aty ku ka lindur dhe është rritur.
Ndryshe nga vëllai i tij i madh, ai preferoi të luajë me kombëtaren zviceriane ku luajti dhe me moshat U-15, U-16. Në rang klubesh ai ka luajtur në Gjermani me Augsburg dhe më pas me Bazelin në Zvicër. West Ham e ka ndjekur 22 vjeçarin për 2 vite përpara se të nënshkruanin me të. Shuma e transfertës dhe pagesa nuk bëhen ende të ditura nga skuadra.
“Jam shumë i emocionuar që jam këtu. Është kënaqësi që të luaj me një ekip të madh”- shkruan lojtari në faqen e klubit. Ajeti do të mbajë veshur fanellën me numrin 27 gjatë këtij sezoni.
