Themeluesi i Amazon,Jeff Bezos, 54 vjeç dhe gruaja e tij, Mackenzie, 48, kanë bërë publik vendimin e tyre për t’u divorcuar. Vendimi i tyre u komunikua në Twitter. Martesa mes burrit më të pasur të historisë moderne dhe gruas së tij, zgjati të paktën 26 vite.
“Ashtu siç familja dhe miqtë tonë e dinë, kemi vendosur të divorcohemi dhe të vazhdojmë jetën tonë si miq. Ndihemi shumë me fat që jemi takuar dhe që do të mund ta vazhdojmë jeton tonë si miq. Edhe nëse do e dinim që pas 25 vitesh do të divorcoheshim, do të bënim çdo gjë nga e para”, shkruan ai në postim. Përkundër divorcit, “ne mbetemi familje dhe miq të dashur”, shton ai. Të dy vitin e kaluar nisën një fond bamirësie prej dy miliardë dollarësh të quajtur Day One Fund dhe është e qartë se ata do të vazhdojnë të punojnë së bashku.
Pasuria e Bezos
Bezos është prej kohësh njeriu më i pasur në planet: ai e ka tejkaluar rivalin kryesor Bill Gates në të gjitha renditjet që nga korriku 2017. Që nga viti i kaluar, themeluesi i Amazon është bërë njeriu më i pasur në historinë moderne, një privilegj i rezervuar vetëm për themeluesin e Microsoft. Pasuria e tij e tejkalon shumën e 150 miliardë dollarësh. Por ai mund të humbasë titullin e më të pasurit në botë pas divorcit me gruan e tij.
