Me normalitetin e ri, mëngjesi në qytetin e Elbasanit nis me dezinfektimet e ambienteve dhe hapësirave publike. Kryetari i bashkisë së Elbasanit, Gledian Llatja thotë se pas shfaqjes së rasteve të para të prekura nga COVID-19 ekipet vazhdojnë me dezinfektimin e çdo ambienti me rrezik potencial në përhapjen e virusit.
Ai ka kërkuar respektimin e rregullave nga ana e qytetarëve për të mos rrezikuar prekjen nga virusi. “Procesi i dezinfektimit vijon pa u ndalur që në momentin e shfaqjes së rasteve të para të prekura nga COVID-19 në Elbasan. Ekipin e palodhur të dezinfektimeve mëngjesi i gjen në krye të detyrës në një lagje, shkollë apo kopsht të bashkisë së Elbasanit. Por, sigurisht që kjo nuk mjafton, nevojitet një respektim shembullor i protokolleve të sigurisë shëndetësore : distancimit fizik, vendosjen e maskës në ambientet e mbyllura, larja sa më e shpeshtë e duarve. Ja dalim bashkë”, thotë Llatja.
