Themeluesi i WikiLeaks Julian Assange nuk mund të ekstradohet legalisht në Shtetet e Bashkuara për t’u përballur me akuza spiunazhi mbi botimin e dokumenteve sekrete ushtarake Amerikane, vendosi të hënën një gjykatë britanike. Gjykatësja e rrethit Vanessa Baraitser dha vendimin e saj në gjykatën Old Bailey të Londrës, ndërkohë që në ambientet e gjykatës kishte një grup mbështetësit të Assange. Avokatët që veprojnë në emër të qeverisë amerikane kanë thënë tashmë se do të apelojnë vendimin e dhënë nga shkalla e parë.
Nëse Assange, tashmë 49 vjeç, do të ekstradohej në SHBA, ai do të përballej me një dënim që në maksimumin e tij do të shkonte në 175 vite burg, pasi ndaj tij rëndojnë 17 akuza për spiunazh, dhe një tjetër akuzë për keqpërdorim të kompjuterit. Ekipi mbrojtës i Assange tha në seancë se ekstradimi i tij në rast se ndodhte do të ishte për arsye politike, ndërsa shtuan se klienti i tyre vuan nga depresioni klinik dhe probleme të tjera që lidhen me shëndetin mendor. Assange është arrestuar për herë të parë në vitin 2010, ndërsa për shumë vite qendroi si azilant politik në ambasadësn e Ekuadorit në Londër, nga ku më pas u arrestuar sërish në vitin 2019.
Mbështetësit e Assange, që edhe sot janë mbledhur në hyrje të Gjykatës, thonë se dokumentet e zbuluara prej tij nxrorën në pah keqbërjen ushtarake amerikane dhe argumentojnë se ai po vepronte si gazetar.
