Pas ndarjes së bujshme të çiftit Gilberta dhe Ilir, shumë pikëpyetje ngelën pa marrë përgjigje për publikun. Sot në ‘Abc e Pasdites’ vetë Gilberta ndau të vërteta e saj në lidhje me historinë e përfunduar të dashurisë. Teksa shihte momente nga intervista e fundit me Ilirin në ‘Abc e Pasdites’, ajo u përlot duke pranuar se kishte mall për atë lidhje.
“Mu mbushën edhe pak sytë me lot kur e pashë, sepse të merr malli për gjërat e bukura. Të mungojnë gjërat e bukura. Ishte histori e bukur.” – tha Gilberta e emocionuar. Mirëpo, pyetjes së Ermalit nëse do të ketë një rikthim Gilberta ju përgjigj: “Jo, nuk ka dritë jeshile.”
Ndarja e tyre ishte e papritur, jo vetëm për ndjekësit e tyre por edhe për vetë Gilbertën, e cila shpreh se në këtë ribashkim nuk e kishte menduar kurrë fundin. Përkundrazi ajo tha në emision se vetë Iliri e kishte siguruar mbi këtë gjë, duke i thënë ‘vetëm po të më këpusësh kokën do të ndahem nga ti’.
Gilberta nuk u kursye edhe në komunikimet e fundit të saj me Ilirin. Një shkëputje e menjëhershme, e befasishme dhe pas shumë sqarime sipas saj.
“Filloi një lloj distance dhe unë nuk e doja. Po e shihja, e lashë të lirë. Nuk i di tamam problemet që ai kishte. Pas emisionit tënd, në jemi ndarë një javë më vonë.
Unë i nisa një mesazh dhe i thashë duhet të jesh më tepër prezent. Mund të rrinim tërë ditën pa folur, vetëm një mesazh në darkë ‘Natën e mirë’. Më vjen keq, por kaq nuk mjafton. Pas mesazhit tim, ai nuk u përgjigj edhe ne nuk folëm më. Nuk kërkoi asnjëherë të fliste me mua pork a folur me publikun në Instagramin e tij.” – rrëfeu Gilberta.
Ndonëse një ndarje në heshtje, komentet ndaj njëri tjetrit kaq qenë të vazhdueshme në rrjete sociale. Moderatori i emisionit, Ermal Peçi, i rikujtoi Gilbertës disa nga komentet e bëra prej Ilirit drejtuar asaj në postim në Instagram, duke e pyetur se çfarë shije i kanë lënë këto mesazhe indirekte:
“Më la shije të keqe sepse bëhet fjalë për ofeza, ndërkohë që unë nuk e kam ofenduar asnjëherë. Unë nuk i shkruajta më, nuk këmbëngula më dhe kaq . Dua vetëm t’i them diçka Ilirit nga ekrani. Të lutem mos më ofendo më te njerëzit. Nëse ke diçka mund të ma thuash mund drejtpërdrejt.”.” – u shpreh kjo e fundit. /abcnews.al
