Teoricieni Piers Corbyn ka drejtuar protestën e 3-të që prej përhapjes, kundër rregullave të izolimit. Ai është i bindur në teorinë konspirative se pandemia po përdoret për të instaluar mikrochip tek njerëzit, për të vendosur “rendin e ri botëror”. 73 vjeçari ka folur disa herë publikisht rreth kësaj teorie dhe ka zhvilluar deri më tani 3 protesta. Përgjatë protestës së fundit, është detyruar të ndërhyjë edhe policia, e cila ka arrestuar 2 persona dhe ka nisur hetimet për disa pjesmarrës të tjerë.
Megjithatë, nuk ka ende informacione nëse Piers është një prej personave të arrestuar apo është nën hetim. Pier më përpara ka mbajtur një fjalim, ku pretendonte se pandemia në realitet nuk ekzistonte. Ai gjithashtu mendon se rregullat e qeverisë për distancim social, janë bërë vetëm për të lejuar GPS dhe satelitët 5G të identifikojnë më lehtë individët.
Gjithashtu, sipas tij, vaksina në realitet nuk është shpëtimi nga koronavirus, por mjeti me të cilën do t’u instalohet njerëzve mikrochipi. Gjatë një fjalimi të mëparshmë, Piers ka thënë: Masat e bllokimit nuk kanë dështuar, jo sepse janë efektive, por sepse në realitet nuk ekziston pandemia. Numrin më të lartë të vdekjeve do e kemi nga vetmia, vetëvrasjet dhe sëmundjet e tjera që po lihen pas dore. I gjithë ky kaos global, është bërë për të vendosur “rendin e ri” në botë.
