Eksperti i shëndetësisë në PD, Gazment Koduzi ka hedhur poshtë deklaratën e shefes së Infektivit, Najada Çomo duke theksuar se qytetarët e blejnë vetë antiviralin Remdesivir për të kuruar koronavirusin. Në një shkrim në Facebook, publikon foton e postuar nga Renato Osmenaj duke thënë se vetë mjekët e spitalit Covid 1 dëshmojnë se e blejnë vetë ilaçin që duhet të ishte falas.
“Është për të ardhur keq që shefja e infektivit, Dr.Najada Çomo, keqpërdoret nga qeveria për të mbuluar të vërtetën. E vërteta është ajo që tha kreu i opozitës sot Lulzim Basha. Shumë qytetarë e kanë paguar vetë antiviralin Remdesivir, sepse në spitale nuk gjendet.
Vetë mjekët e COVID 1 dëshmojnë se njerëzit e blejnë vetë antiviralin, që duhet të ishte falas në spital. Në foto dëshmia e mjekut të infektiviti, Dr.Renato Osmënaj”, shkroi Koduzi.
Pak minuta më parë, shefja e Infektivit Najada Como hodhi poshtë deklaratat se Remdesiviri, kostoja e të cilit arrin në 3000 euro për 6 flakonë, blihet nga vetë pacientët.
“Ne jemi çdo dite, çdo ore ne krye te detyres dhe pacientet tane e dine me mire se askush kete gje. Po perdorim terapite e mjekimit, si kudo ne bote qe jane falas per pacientet. Edhe Remdesivirin, e kemi dhe e perdorim ne paciente specifike, sipas protokolleve boterore.
Te thuash qe Remdesiviri blihet nga pacientet tane eshte jo vetem genjeshter, por lendon perpjekjet e nje ekipi mjekesh dhe infermieresh qe prej 8 muajsh jane pa gjume ne sy me perkushtimin maksimal per te shpetuar jete.
Ju premtoj te nderuar qytetare qe do jemi per ju, per tju sherbyer deri ne fund! Ju na ndihmoni duke respektuar rregullat e higjienes, maskes, distancimit! Se bashku do t’ia dalim”, shkroi Çomo.
Ndërsa para dy ditësh, mjeku Renato Osmenaj i njohur ndryshe si “Xhaxhi Doktori” shkroi në Facebook: “Rubrika ‘Sqarojmë komitetin’ 3000 euro 6 flakonë! Sapo e bleu një miku im. Ka komiteti si ky ilaçi në spitale?” (A.M/Faxweb.al)
