Shkaku i helmimit të mbi 1500 personave në Deçan të Kosovës duket se nuk është uji i pijshëm.
Lajmin e ka bërë të ditur, Adnora Nurboja nga Instituti Kombëtar i Shëndetit, e cila tha për mediat vendase se analizat mikrobiologjike të mostrave treguan se uji nuk është i infektuar. Por pavarësisht këtyre rezultateve , Nurboja theksoi se ata do të marrin serish mostra të ujit për testim.
Ndërkohë situata në spitale është nën kontroll. Në Pejës nuk ka asnjë të shtruar, ndërsa ata që janë trajtuar në Qendrën Familjare në Deçan janë në gjendje të qëndrueshme.
Qindra qytetarë në Deçan kanë kërkuar ndihmë mjekësore që nga e shtuna në urgjencën e kësaj komune. Dy pacientë humbën jetën ndërsa ishin të shtruar, por ende nuk dihet nëse shkak u bë helmimi. Është ekspertiza mjekoligjore ajo që do të nxjerrë rezultatet përfundimtare.
Një ditë më parë presiedentja e Kosovës Vjosa Osmani hodhi dyshime për burimin e helmimnit masiv, duke kërkuar një hetim të plotë të rastit, pasi nuk përjashtohet mundësia që ai të ketë qenë i qëllimshëm.
