Me anë të një reagimi në rrjetin social facebook, deputeti i LSI-së Petrit Vasili ka komentuar vendimin e Policisë për të mos lejuar mbajtjen e protestës në Bulevardin “Dëshmorët e Kombit” të paralajmëruar nga emigrantët e diasporës.
Vasili shkruan se kryeministri Rama po lufton edhe diasporën, duke argumentuar se Policia e tij dhe e Lleshajt kanë konsumuar turpin më të madh të pluralizmit shqiptar.
Gjithashtu ai akuzon Pandeli Majkon si Ministri i parë i Diasporës në histori i cili rri e vështron këtë turp dhe nuk jep dorëheqjen.
“Gëzuar vitin e ri Pandi po ti rri kot akoma në atë zyrë.
Diasporës qeveria jote dhe kryeministri psikopat ja mbyllën derën,megjithatë rri Pandi rri,nuk je as i pari as i fundit që e ha turpin me bukë” – shkruan Vasili.
Organizatori i kësaj proteste Genc Sejko, bashkë me shqiptarët e tjerë të diasporës kanë lajmëruar se pavarësisht vendimit të Policisë protesta do të vijojë, madje tashmë do të kërkohet dhe shkarkimi i drejtuesit të parë në polici Kastriot Skendaj, firma e të cilit është hedhur në shkresën ku qytetarëve iu mohohet e drejta e protestës.
“Protesta jo vetëm që do të zhvillohet por tani përveç ndryshimit të sistemit, kërkohet urgjentisht edhe shkarkimi i Kastriot Skënderajt i cili me këtë shkresë ka shkelur Kushtetutën dhe ligjin për tubimet,”shkruajnë ata.
Statusi i plotë i Vasilit:
Rama i cmendur ndalon diasporen te protestoje,Majko rri dhe e ha turpin me buke.
Rama ky i cmendur pa sherim po lufton edhe me diasporen.
Pasi jua ka prure ne maje te hundes te gjithe shqiptareve ky kryeminister i marrë i hapi lufte edhe diaspores.
Rama nuk lejon diasporen te protestoje megjithese organizatoret kishin respektuar ligjin pike per pike dhe kishin bere edhe kerkese me shkrim.
Policia e Rames dhe e Lleshajt konsumuan turpin me te madh te pluralizmit shqiptar.
Kjo qeveri legenash, qe organizon gjoja takime te dhemshura me diasporen,qe shqyhet duke bete hipokrizi sikur vdiq per voten e tyre,e nxori fytyren e saj te zeze dhe te vertete duke mos i lejuar te protestojne ne bulevard,se u prishka terezia publike.
Po kur e zaptonin keta te rilindjes ne 2010 bulevardin me jave te tera me cadrat e tyre dhe bulevardi qelbej era urine prej tyre nuk prishej terezia publike.
E neveritshme eshte se si Pandeli Majko i pari Minister i Diaspores ne histori rri e veshtron kete turp dhe nuk jep doreheqjen.
Gezuar vitin e ri Pandi po ti rri kot akoma ne ate zyre.
Diaspores qeveria jote dhe kryeministri psikopat ja mbyllen deren,megjithate rri Pandi rri,nuk je as i pari as i fundit qe e ha turpin me buke.
