Divock Origi është vetëm një hap larg transferimit në Milano. Sulmuesi belg nuk ka arritur numrin e ndeshjeve me Liverpool, çka do ti jepte të drejtë klubit të kuq të rinovonin automatikisht, detaj ky i vendosur në kontratë.
Në këtë mënyrë, në fund të sezonit Origi është i lirë të largohet nga falas nga Liverpool, ky fakt e afron edhe më shumë sulmuesin me Milan. Akordi me lojtarin është gjetur kohë më parë, por për të konkretizuar marrëveshjen me Liverpool duhet të presin deri në fund të sezonit, më saktë pas finales së Champions League me 28 maj.
Origi do të firmos me Milan një kontratë 4-vjeçare nga ku do të përfitojë 4 milionë euro në sezon.
