Taktikë elektorale apo korrigjim gabimesh? Ndoshta për të dyja bashkë, Edi Rama ka nisur valën e shkarkimeve të drejtorëve me rëndësi, vendim të cilin e kishte njoftuar në disa mbledhje rresht të shtabit të tij elektoral. I pari është Gjon Bardhi. Ai u shkarkua si drejtor i Përgjithshëm i Doganave pa bërë ende një vit në krye të institucionit më me rëndësi që sjell të ardhura në arkën e shtetit. Pulti i traut doganor tashmë do të jetë në duar të Gent Gazhelit, mbi emrin e të cilit Edi Rama ka vendosur frimën. Gazheli nuk është një emër i ri apo rastësor në oborrin socialit. Ai ka shërbyer më herët si Drejtor i Parandalimit të Pastrimti të Parave dhe më pas, u dërgua nga Rama amabsador në Turqi.
Gazheli tha dorëheqjen nga ky post në nëntor të vitit 2019, pak ditë pasi emisioni investigativ italian Le Iene, publikoi një telefonatë me të, ku ambasadori shfaqtë neglizhencë për të ndihmuar Alvin Berishën, vogëlushin shqiptar që kishte ngecur në kampin Al Hol në Turqi.
Pas rikthimti në atdhe, Gent Gazheli mori sërish besimin e kryeministrit për një post me rëndësi, sic është drejtimi i doganave. Për shkak të pandemisë, edhe doganat kanë pasur një realizim të dobët të të ardhurave. Sipas të dhënave të MF, krahasur me një vit më parë, doganat kanë arkëtuar 76 milionë euro më pak krahasuar me 6-mujorin e parë 2019. /abcnews.al
