Një re pasigurie duket se qëndron mbi të ardhmen e Cristiano Ronaldos, e krijuar nga dëshira e tij për të luajtur në Ligën e Kampionëve. Këtë kompeticion nuk ia mundëson Manchester United në sezonin e ri, sepse nuk është kualifikuar dot.
Portugezi nuk e ka fshehur kurrë pakënaqësinë e tij për këtë dështim dhe po përpiqet të gjejë një zgjidhje tjetër, ndonëse nga klubi anglez filtron vullneti për të mos e lënë atë të largohet.
Ndaj, nuk dihet me 100% se ku do të luajë portugezi sezonin e ardhshëm, por në Itali është dikush që ka dashur të tallet me këtë situatë të ndërlikuar. Ky është Alberto Paleari, portieri i Beneventos, që shkroi një mesazh plot shaka për ish-lojtarin e Juventusit:
“Nëse kërkon transferimin dhe nuk di çfarë të bësh, Ronaldo, ne kemi ende në dispozicion fanellën me numrin 10. Na njofto sa më shpejt të jetë e mundur”.
Të gjitha këto fjalë të shoqëruara nga “emoji” i të qeshurës dhe një zemër për ata që e dinë mirë se shpresa e tyre nuk do të ketë një vazhdim konkret.
Për më tepër, me përjashtim të aventurës te Sporting Lisbona (28) dhe sezonit të parë me Real Madridin (9), Ronaldo ka mbajtur gjithmonë numrin ikonik 7. Një problem që është e drejtë ta nënvizojmë, nuk do të lindë…
