Nxënësit e 5 fshatrave të njësisë Tregan në Elbasan do tu duhet të udhëtojnë 5 kilometra për të bërë mësim pasdite këtë vit të ri mësimor.Shkolla e fshatit u dëmtua nga tërmeti i nëntorit, dhe bashkia e Elbasan thotë se nuk ka fonde për ndërhyrje.
Shkolla “Jonuz Çarçiu” në Tregan të Elbasanit u dëmtua nga tërmeti i 26 nëntorit dhe prej asaj kohe ju vendos kyçi duke e nxjerrë jashtë funksionit. Ndaj nxënësit e 5 fshatrave këtë vit arsimor do të duhet të udhëtojnë mbi 5 km për ta zhvilluar mësimin turn i dytë në shkollën e fshatit Kuqan.
Për prindërit, transferimi i fëmijëve është shqetësues dhe i rrezikshëm ndërsa mësimi turn i dytë sipas tyre nuk do të jetë jo efikas. “Katastrofë, tmerr.” Por në zyrën arsimore në Elbasan thonë se kushtet e detyrojnë që nxënësit e Treganit të shkojnë në Kuqan.
Ndërsa në bashkinë e Elbqasanit thonë se kanë gati propjektin për ndërtimin e shkollës së re të Treganit por ai ka mbetur në letër për mungesë fondesh. Në këto kushte, fëmijët e Treganit në Elbasan do ta kenë vështirë rrugën e dijes në vitin shkollor mes pandemisë.