Mbrëmjen e djeshme Donald Veshaj pati një debat të ashpër me Einxhel Shkirën. Kujtojmë se marrëdhënia e tyre nuk ka qenë aspak e mirë edhe jashtë shtëpisë së “Big Brother Vip” gjë që ka bërë që ata të përplasen shpesh herë brenda shtëpisë së famshme.
Kësaj here një deklaratë e moderatores se vëllezërit Veshaj janë bërë të famshëm nga të dashurat e tyre, bëri që Donaldi të nervozohet dhe debati të kalojë në një temë tjetër. Atë të bashkëpunimit të tyre. Ata akuzuan njëri-tjetrin për profesionalitetin në punë.
Ndërkohë, moderatorja tha se kishte bërë një aksident dhe se e kishin hequr nga puna për shkak se nuk shkoi. Nga ana tjetër, Donaldi tregoi anën e tij të historisë, duke thënë se Einxhel nuk e merrte seriozisht punën dhe shpesh herë nuk shkonte. Ndër të tjera ai i kërkoi vëllait të tij Romeo që të publikonte provat dhe fotot që vërtetonin fjalët e tij. Pas gjithë kësaj situate ka reaguar dhe Romeo i cili ka publikuar një video ku shihet binjaku i tij i tensionuar, ndërsa krahas fotos Romeo ka shkruar: Demi i vëllait bëhu i fortë.
