Organizata Botërore e Shëndetësisë (OBSH) ka paralajmërur sërish në lidhje me ashpërsinë e efekteve afatgjata shëndetësore të COVID-19. “Edhe pse është përcaktuar ende shifra reale e personave, të cilët vazhdojnë të këtë pasoja afatgjata, simptomat dhe ndërlikimet post COVID-19 janë raportuar si te pacientët që po trajtohen në shtëpi, ashtu edhe tek pacientët që janë të shtruar në spital”, deklaroi kreu i OBSH-së, Tedros Adhanom Ghebreyesus.
“Derisa të kemi një vaksinë, qeveritë dhe njerëzit duhet të bëjnë gjithçka që kanë në dorë për të parandaluar transmetimin, e cila është mënyra më e mirë për të parandaluar pasojat afatgjata post COVID-19. tha Tedros. Sipas tij, shqetësimi i vërtetë është spektri i gjerë i simptomave, që luhaten me kalimin e kohës, dhe që mund të ndikojnë në çdo pjesë të trupit. Simptomat që prekin pacientët e rikuperuar mund të zgjasin me muaj dhe përfshijnë lodhje, probleme të frymëmarrjes, probleme me kujtesën, të cilat mund ta bëjnë të pamundur kthimin në punë ose në jetën e përditshme
