“Unë kam vendosur të mos nënshkruaj dekretin e ri të ministrit të brendshëm”, konfirmon Ministrja e Mbrojtjes Elisabetta Trenta. “Unë e mora këtë vendim, të motivuar nga arsye të ngurta ligjore, duke dëgjuar ndërgjegjen time. Asnjëherë nuk duhet të harrojmë , që prapa polemikave të këtyre ditëve ka fëmijë dhe të rinj që kanë pësuar dhunë dhe abuzim të çfarëdo lloji. Politika nuk mund të humbasë kurrë humanizmin. Prandaj nuk e kam firmosur “, raporton corriere della sera.
Salvini nuk qëndron me këtë ide dhe në mëngjes herët i përgjigjet koleges së tij: “Humanizëm nuk do të thotë të ndihmosh trafikantët dhe OJQ-të. Për mua, humanizëm do të thotë të investosh seriozisht në Afrikë dhe sigurisht të mos hapësh portet italiane. Dhe menjëherë pas kësaj evokon parullat e përdorura shumë herë: ‘Ne jemi vetëm kundër të gjithëve në ndalimin e ankorimit të anijes ‘OpenArms’. Kundër OJQ-ve, gjykatave, Evropës dhe ministrave të frikësuar. Dhe me PD në qeveri, emigracioni masiv dhe Ius Soli do të ktheheshin në realitet “.
Kryeministri Giuseppe Conte, i cili për çështjen e ‘OpenArms’ është distancuar me vendosmëri nga qëndrimi i Salvinit, ndërkohë ka bërë të ditur që gjashtë vende të BE-së janë të gatshme të mirëpresin të mbijetuarit e shpëtuar nga ‘OpenArms’: “Franca, Gjermania, Rumania, Portugalia, Spanja dhe Luksemburgu më thanë që ishin të gatshëm të rishpërndanin emigrantët “e bordi të ‘OpenArms’. “Edhe një herë, homologët e mi evropianë na ndihmojnë.”
