Një operacion i madh antidrogë është zhvilluar në orët e fundit në portin e Durrës, pasi dyshohet se në dy kontenierë janë gjetur rreth 46 kilogramë kokainë.
Burime bëjnë me dije se dy personat e arrestuar derimë tani janë Ardian Bega dhe Altin Myslimhaka, ndërsa është shpallur në kërkim dhe një shtetas me inicialet G.M.
Gazetari Sokol Dema raporton se kjo çështje është marrë në ngarkim nga ana e Prokurorisë së Krieve të Rënda, ndërsa detajet për të janë mbajtur tepër sekrete.
Kokaina dyshohet të jetë nisur nga Ekuadori dhe më pas të ketë mbërritur në Pire, me destinacion final portin e Durrësit në Shqipëri.
Personat e arrestuar u paraqitën në portin e Durrësit për të tërhequr mallin, dhe nuk dihet nëse ata janë porositësit apo garantët e kokainës në Shqipëri.
Paraprakisht thuhet se kokaina që ishte në kontenier, dhe mbahej në vazhgiim prej tre ditësh është zëvendësuar me pako me oriz, të cilave iu është futur brenda dhe GPS në mënyrë që policia të zbulonte vendodhjen e porositësve të saj, po duket se operacioni ka mbetur në mes.
