Operacioni “Ndëshkimi i të fortëve” ka vënë në prangat e policisë të paktën tre persona. Siç raporton policia dy vëllezërit, Kastriot Gazidede 26-vjeç dhe S.G 16 vjeç të dy banues në Tiranës së bashku me 45 vjeçarin, Lulzim Aruçi banues në Shtish, janë arrestuar në flagrancë me armë dhe lëndë narkotike.
Siç raporton policia dy vëllezërit Gazidede udhëtonin me mjetin e tyre tip “Mercedez Benz” me 17 këllëpe tritoli, armë zjarri automatike dhe 1.2 kg lëndë të dyshuar narkotike Cannabis Sativa. Ndërsa 45-vjeçarit, Lulzim Arushi gjatë kontrollit në banesën e tij u sekuestruan në cilësinë e provës materiale armë 2 zjarri automatik, 1,2 kg lëndë e dyshuar Cannabis Sativa dhe 17 kallëpe të dyshuara si lëndë plasëse e llojit tritol, të cilat u sekuestruan menjëherë nga policia.
Materialet iu referuan Prokurorisë së Rrethit Gjyqësor Tiranë në ngarkim të shtetasve të lartpërmendur për veprat penale “Prodhim dhe mbajtja pa leje e armëve, armëve shpërthyese dhe municionit” dhe “Prodhim dhe shitje lëndësh narkotike”.
Njoftimi i policisë
Sekuestrohen 17 kallëpe tritol, dy armë zjarri automatikë dhe lëndë e dyshuar narkotike e llojit Cannabis Sativa. Në vijim të Forcës së Ligjit në Territor përgjatë natës dhe orëve të para të mëngjesit të sotëm Patrullat e Përgjithshme të Komisariateve në bashkëpunim dhe me Forcën e Operacioneve Speciale dhe Kërkimit kanë ushtruar kontrolle në ambiente dhe në akset rrugore të kryeqytetit. Gjatë kontrolleve u arrestuan në flagrancë shtetasit:
– Kastriot Gazidede, 26 vjeç, banues në Tiranë.
– S. G., 16 vjeç, banues në Tiranë (vëllezër)
Arrestimi i tyre u bë pasi në Pezë Helmës gjatë kontrollit të ushtruar nga shërbimet e Komisariatit të Policisë Nr.5, në mjetin tip “Mercedes Benz” me drejtues shtetasin Kastriot Gazidede dhe pasagjer shtetasin S. G., u gjetën dhe sekuestruan 17 kallëpe tritoli, një armë zjarri automatikë dhe 1.2 kg lëndë e dyshuar narkotike Cannabis Sativa.
– Lulzim Aruci, 45 vjeç, banues në Shtish.
Arrestimi i këtij shtetasi u bë pasi gjatë kontrollit të ushtruar në banesën e tij nga shërbimet e Komisariatit të Policisë Nr.4, u gjet dhe sekuestrua në cilësinë e provës materiale një armë zjarri automatik. Janë sekuestruar në cilësinë e provës materiale:
– 17 kallëpe të dyshuara si lëndë plasëse e llojit tritol
– 2 armë zjarri automatikë
– 1.2 kg lëndë e dyshuar narkotike Cannabis Sativa
Materialet iu referuan Prokurorisë së Rrethit Gjyqësor Tiranë në ngarkim të shtetasve të lartpërmendur për veprat penale “Prodhim dhe mbajtja pa leje e armëve, armëve shpërthyese dhe municionit” dhe “Prodhim dhe shitje lëndësh narkotike”.
