Organiza “Lobi Shqiptar” në Norvegji zgjeron aktivitetin e saj në tre komuna të tjera.
Ministri i Shtetit për Diasporën, Pandeli Majko thekson se, kjo shoqatë ka për synim themelimin, ringjalljen dhe fuqizimin e shoqatave dhe çdo formë tjetër organizative që vihet në shërbim të interesave kombëtare dhe ruajtjen e trashëgimisë kulturore shqiptare.
Në një takim ku morën pjesë përfaqësuesit e komunitetit shqiptarë nga regjioni i Rogaland-it, u bë prezantimi i Lobit Euro-Atlantik Shqiptar.
Nga Komuna- Brune, përfaqësuese e Shoqatës Kulturore Shqiptaro-Norvegjeze “JÆRN” ishte kryetarja e shoqatës, Besime Fazlija.
Kjo Shoqatë pranoi njohjen dhe bashkëpunimin reciprok më LEASH, bashkëpunim i cili do përcaktohet dhe zyrtarizohet përmes propozimit të memorandumit për bashkëpunim.
Përfaqësuesit e Komunës Sandnes dhe Stavanger zgjodhën mënyrën anëtarësimit tyre permes themelimit të Nëndegës së Lobit Shqiptar.
Lobin e përfaqësuan dhe prezentuan zv.kryetari, Daut Haxhaj dhe financieri, Demi Hansën
Në takim u bë prezentimi i aktiviteteve, objektivave dhe vizioni i LEASH.
Në këtë takim u premtua nga kordinatorët e sotëm që së shpejti do thirrët një takim i mbarë komunitetit shqiptarë, ku do janë pjesëmarrës edhe zyrtarë të Lobit.
Përfaqësuesit e shqiptarëve në Rogaland, shfaqën njëzëri gatishmërinë dhe vullnetin për mirënjohjen dhe mbështetjen e Lobit Euro-Atlantik Shqiptar.
Mbështetje për Lobin konsiderohet çdo shoqatë aktive që vihet në shërbim për mbrojtjen e Vlerave dhe interesave tona të përbashkëta dhe që lidh Memorandum bashkëpunimi më Lobin.
Mbështetja financiare është e përcaktuar në Statutin e organizatës.
Lobi Euro-Atlantik Shqiptar ka synim kryesor themelimin, ringjalljen dhe fuqizimin e shoqatave, rrjeteve dhe çdo formë tjetër organizative që vihet në shërbim të interesave kombëtare.
