Detaje të reja për operacionin nga autoritetet ne Shqipëri e Greqi, ku u sekuestruan 1 kg k o kainë, e cila kishte ardhur me kontejner në portin e Durrësit nga Ekuadori.
Nga aksioni u a rrestua Ardian Bega, oficer i sigurisë në portin e Durrësit, shtetasi Altin Mysliaka, si dhe është shpallur në kërkim shtetasi me inicialet G.M.
Gazetarja Lala raportoi se ngarkesa e k okainës, e cila ishte nisur nga Ekuadori me 2 kontejner, me një sasi prej 45 kg, pasi u pikas nga policia greke, u zëvendësua me oriz në përpjekje për të futur në kurth porositësit, duke lënë vetëm 1 kg.
Pasi e ambalazhuan d rogën në mes të orizit, policia brenda tyre vendosi edhe gps (aparat lokalizues). Po ashtu gazetarja tha se dy kontejnerët kishin mbërritur në portin e Pireut në datën 26 gusht, ndërsa në 19 shtator ata mbërritën në portin e Durrësit (Në kontejnerin e parë ishin 25 kg dhe 231 gr k okainë dhe në të dytin 20 kg dhe 500 gr k okainë).
Mësohet se në portin e Durrësit kanë qenë 4 oficerë policie që mbikëqyrnin kontejnerët, ndërsa operacioni vëzhgohej dhe nga një pallat përballë portit. Pasi ngarkesa në fjalë u mor nga oficeri i sigurisë së Portit, ky i fundit u takua me shtetasin me inicialet G.M.
