Prokuroria e Rrethit Gjyqësor Tiranë ka regjistruar procedimin penal për “Ndërhyrje në të dhënat kompjuterike” “Ndërhyrje në sistemin kompjuterik” dhe “Shpërdorim detyre” lidhur me skandalin e rrjedhjes së databazes së pagave të janarit 2021. Prokuroria ka dërguar grupin hetimor për të kryer veprime tek AKSHI, ISSH dhe Drejtorinë e Tatimeve.
Në lidhje me këtë material hetimor ka dyshime të arsyeshme se mund të kemi dëmtime të rënda të hetimeve thuhet në dokumentin e prokurorisë.
Për sa më sipër mbështetur në nenin 191 pika 3 të Kodit të procedurës Penale urdhërohet. Mbajtësi (Administratori ) ose kontrolluesi i të dhanve kompjuterike të Agjencisë Kombëtare të Shërbimit të Informacionit të dorëzojë të dhënat kompjuterike të memorizuara në sistemin kompjuterik e konkretisht të gjitha logeve që kanë loguar në sistemin e të dhënave për pagat janar 2021.
Për zbatimin e këtij Urdhëri ngarkohen oficerët e policisë gjyqësore Lulzim Aliaj, Sokol Muslia si dhe Soner Nuni të cilët do të përpilojnë procesverbalet përkatëse lidhur me këtë provë material dhe ta administrojnë një kopje të tij në fashikullin e hetimit. Po kështu kërkohet të njoftohen me këtë vendim personat e interesuar të cilët kanë të drejtën e ankimimit në Gjykatën e Rrethit Gjyqësor të Tiranës brenda afatit ligjor të marrjes dijeni.
Të dhënat e pagave të janarit të mbi 637 mijë qytetarëve të punësuar në sektorin publik dhe atë privat, po qarkullojnë lirisht përmes aplikacionit whatsapp prej ditës së djeshme. Ndërkohë sot ndërsa Rama ishte në konferencë për mediat për këtë skandal teksa u publikua dhe databaza me pagat e prillit.
