Kumkuat ndryshe i thonë mandarinë kineze. Ajo është në treg deri në fund të pranverës dhe përbën një ushqim interesant dhe mjaft të ushqyeshëm.
Avantazhi i saj është konsumi i frutit bashkë me lëkurën, ku ndodhen një sasi e konsiderueshme fibrash dhe antioksidantësh me forcë antikanceroze. Për më tepër, 100 gramë nga ky frut në vaktin e mëngjesit ofron 80% të vitaminës C që na nevojitet dhe vajra esencial me veti të shkëlqyera për imunitetin.
Fibrat që gjenden te lëkura ndihmojnë në rregullsinë e zorrëve dhe në stabilizimin e sheqerit duke e bërë këtë frut mjaft të mirë në aspektin shëndetësor.
Shqipëria nuk e ka në traditë që të konsumojë mandarinat kineze, megjithatë nuk është e gabuar të përqafojmë kultura të reja. Kumkuat janë shumë të mira dhe mund t’i gjeni në treg.
