Pak orë pas arritjes së marrëveshjes me opozitën e re, kryeministri Edi Rama i ka bërë thirrje “opozitës jashtëparlamentare që të mos e bojkotojë Këshillin Politik”
Në një postim në Twitter, Rama i fton të vijojnë dialogun tripalësh me opozitën e re sa i takon reformës zgjedhore.
Reagimi i plotë i kryeministrit: Sot në 17:00 është propozuar nga ana jonë përmes Damian Gjiknurit mbledhja e Këshillit Politik. Përsëris apelin për OP jashtëparlamentare që të mos e bojkotojë Këshillin Politik dhe të vijojmë dialogun tripalësh së bashku me OP parlamentare, për reflektimet e risive kushtetuese!
