Në aksin e rrugës nacionale nga Thumana deri në Fushë Krujë, qarkullimi është vështirësuar nga trafiku i rënduar.Prej disa orësh, radhët e automjeteve janë kilometrike. Për afro një muaj, lëvizja në këtë aks rrugor është kthyer në makth për drejtuesit e automjeteve.
Kjo situtatë pritet të vijojë deri në fund të gushtit, që përkon me largimin e emigrantëve dhe të pushuesve nga vendet fqinje që i janë drejtuar bregdetit shqiptar për sezonin e verës. Shumë drejtues të nervozuar nga pritja e gjatë në radhë, thyejnë rregullat e qarkullimit, duke dalë nga vargu e duke sjellë përkeqësim të trafikut.
