Një “hajdut” është kapur në një makineri ku shiten patatina, biskota apo edhe kroasant. Nxënësit e një shkolle të mesme në Florida janë surprizuar kur në makineri kanë parë një Rakuni, të fshehur mes produkteve.
Shkolla menjëherë njoftoi autoritetet, të cilët vrapuan në ndihmë të kafshës, e cila ishte e frikësuar. Por lirimi nuk ishte i lehtë. Agjentët duhej ta zhvendosnin makinën nga shkolla për ta shpëtuar kafshen. Sapo agjentët hapën makinën, Rakuni u largua menjëherë.
“Një hajdut është arrestuar“ shkruajnë me shaka agjentët e policisë në Facebook, duke publikuar edhe videon nga momenti i lirimi të kafshës. Ende mbetet e paqartë si Rakuni kishte hyrë në makineri.
