Tensionet mes Rusisë dhe Ukrainës duket se janë më të acaruara se kurrë. Pamjet e reja satelitore, të publikuara nga mediat e huaja, tregojnë trupat ruse të vendosura përgjatë kufirit me Ukrainën.
Sipas CNN, forcat ruse janë zhvendosur në Bjellorusi në dy javët e fundit dhe Ministria e mbrojtjes ruse dhe e Bjellorusisë thonë se dislokimet janë përpara një stërvitjeje të madhe këtë muaj.
Mirëpo disa imazhe staelitore kanë nxjerrë zbuluar Putin. Këto imazhe u mblodhën dhe u analizuan nga Maxar.
Maxar Technologies është një kompani e teknologjisë hapësinore me seli në Westminster, Kolorado, Shtetet e Bashkuara.
Në një shënim shoqërues, Maxar tha se dislokimet “pasqyrojnë një nivel të rritur të aktivitetit dhe gatishmërisë”.
Në këtë drejtim, vë në pah CNN, Maxar dhe ofruesit e tjerë të imazheve satelitore thanë se kanë vërejtur zgjerimin e terreneve ekzistuese të stërvitjes ushtarake ruse dhe garnizoneve brenda rreth 150 milje nga kufiri ukrainas gjatë muajve të fundit.
Madje disa janë brenda pak miljesh nga kufiri. Veç kësaj, Maxar ka thënë se imazhet më të fundit tregojnë një fazë të re të aktivitetit rus.
Ai tha se më parë, “në shumicën e rasteve, pak trupa ose vendbanime të reja për personel shtesë u vunë re pranë dislokimeve, duke sugjeruar se disa nga njësitë mund të ishin vendosur paraprakisht ose të vendosura përpara”.
“Gjatë dy javëve të fundit, disa dislokime të reja të rëndësishme ushtarake janë vërejtur në Bjellorusi”, tha Maxar.
“Gjithashtu, tendat/strehëzat e trupave për personelin janë parë pothuajse në çdo vendndodhje të dislokimit në Bjellorusi, Krime dhe Rusinë perëndimore, gjë që sugjeron se njësitë tani shoqërohen me trupa dhe kanë rritur nivelin e përgjithshëm të gatishmërisë së tyre”.
Maxar krahasoi imazhet nga shtatori dhe fundi i janarit të të njëjtit kamp ushtarak në Novoozerne në Krime.
Dhe pamjet tregojnë një rritje të ndjeshme të aktivitetit, me një sipërfaqe çadrash që po ngrihen.
Sakaq, Presidenti amerikan Joe Biden tha javën e kaluar se një pushtim i Ukrainës në shkurt është “një mundësi e veçantë”.
