“Unë besoj se gjysma e dytë e janarit do të ketë një shtim të rasteve”. Kështu deklaroi mbrëmjen e sotme mjeku infeksionist Pëllumb Pipero. Mjeku tha në Abc News se të paktën për 2-3 muajt e ardhshëm duhet të jemi në alert dhe duhet të kemi shumë kujdes. Infeksionisti pretendon se virusi do të jetë i pranishëm në vendin tonë derin në fund të këtij viti, ndaj kërkoi vëmendje dhe kujdes.
“Unë besoj se gjysma e dytë e janarit do të ketë një shtim të rasteve, se sa do të shkojnë nuk e di, nuk mund ta them, por duhet të jemi të përgatitur natyrisht dhe duhet doemos dhe të paktën dhe 2-3 muaj të tjerë duhet të jemi në shumë alert për të mundësuar uljen e dëmit të këtij virusi. Kur thashë 2-3 muaj, thashë për vëmendje të shtuar por deri nga fundi i vitit do të vazhdojmë të përballemi”, theksoi Pipero.
