Protesta të fuqishme të studentëve priten ditën e nesërme në Tiranë, por jo vetëm.
Por studentët tashmë duket se janë lodhur së protestuari para Ministrisë së Arsimit, teksa nesër besohet se do të përshkallëzojnë situatën.
Ata kanë paralajmëruar të bllokojnë pikat kyçe të Tiranës, duke shkaktuar trafik për rreth një orë.
Studentët kanë paralajmëruar gjithashtu bllokimin e dyerve të fakulteteve për rreth 3 orë.
Më pas ata do të zhvendosen drejt Ministrisë së Arsimit, në pritje të një përgjigjeje deri në orën 16:00, sipas njoftimeve që janë shpërndarë në rrjetet sociale.
