Pjesa e parë e ditës së sotme do të dominohet kryesisht nga kthjellime dhe vranësia të lehta, për tu përballur më pas me një mot të paqëndrueshëm ku do të gjenerohen dhe reshje shiu.
Zonat veriore do të kenë vranësira të dendura, ku pas mesdite do të ketë reshje të dendura shiu në formë rebeshesh në zona të izoluara. Orët në vijim do të shaktojnë reshje shiu në të gjithë Ultërsirën Perëndimore si edhe reshje dëbore në zonat malore përgjatë shtrirjes Lindore.
Temperaturat e ajrit do të pësojnë rënie në të dy vlerat ekstremale ditore duke u luhatur nga 0°C vlera minimale e shënuar në zonat verilindore deri në 15°C vlera maksimale e cila pritet përgjatë vijës bregdetare.
Era do të fryjë mesatare deri e fortë gjatë gjithë ditës duke arritur shpejtësinë maksimale deri në 55 km/h nga drejtimi Jugor – Jugperëndimor; për pasojë në brigjet detare do të krijohet dallgëzim mbi 4 ballë.
