Maxhoranca ka miratuar pa debate në parim buxhetin e vitit 2024. Seanca është përfshirë në kaos, ku socialistët kanë votuar mes tymit dhe flakëve në Kuvend.

Demokratët bllokuan punimet normale të Parlamentit, ndërkohë që Flamur Noka dhe deputetë të tjerë të PD kanë ndezur tymëse dhe flakadanë, ç’ka detyroi maxhorancën të votojë pa debate dhe pa prezantim Buxhetin e vitit 2024.

Në këtë seancë mori pjesë edhe kryeministri Edi Rama, por demokratët nuk kanë lejuar askënd të flasë.

Maxhoranca miratoi me 73 vota pro, buxhetin e vitit 2024.

Në një moment teksa një prej demokratëve ka ndezur një flakadan ka marrë flakë edhe tryeza. Garda ka tentuar ta fikë zjarrin me shishe uji, ndërkohë që është parë edhe habia në sytë e ministrave të qeverisë.