Grupi Parlamentar i Partisë Demokratike, i është drejtuar me një kërkesë Kuvendit, për mbledhjen e Këshillit për Mandatin në lidhje me ministren e Jashtme Olta Xhaçka, për të cilën kërkojnë që t’i ndërpritet mandati për shkak se bashkëshorti i saj ka përfituar statusin e investitorit strategjik.
PD kërkon që Këshilli për Rregulloren, Mandatet dhe Imunitetin, të mblidhet të mërkurën, në datën 14 shtator, me rend dite “vijimin e shqyrtimit të mocionit të 1/10 së deputetëve përfaqësues të grupit parlamentar të PD për ndjekjen e procedurave parlamentare për konstatimin e pavlefshmërisë dhe mbarimit të mandatit të deputetes Olta Xhaçka”.
