Eva Buzo ka shfaqur problemet e para gjatë sfidës për kalimin me not nga Shqipëria për në brigjet e Italisë. Tani që kanë kaluar thuajse 27 orë që nga nisja e notimit të saj, mësohet se Eva Buzo ka shfaqur problemet e para.
Aktualisht, personat që e shoqërojnë kanë bërë me dije se ajo ka probleme me të folurit për shkak të kripës së tepërt që ka marrë nga deti. Ndaj dhe po e mbajnë në monitorim, ndërsa Buzo ndodhet disa milje larg Karaburunit në det të hapur.
Gjatë rrugëtimit me not që mendohet të zgjasë 35 deri në 40 orë, Eva po ndiqet nga 2 trajnerë që do të hipin me radhë në një kajak.
Eva është një avokate e zonja në Australi dhe e angazhuar masivisht me problematika sociale, në mbrojtje të të drejtave të njeriut. Ka përvojë pune në Afrikën Lindore, Azinë Jugore dhe Australi, për organizata të ndryshme duke përfshirë World Vision dhe Save the Children.
