Mariglena është një prej rasteve të shumta që falë një procesi transparent të konkurrimit në portalin “Mësues Për Shqipërinë” sot ushtron detyrën e mësuesit për nxënësit e Vloçishtit të Korçës.
Kështu shprehet ministrja e Arsimit, Sportit dhe Rinisë, Besa Shahini e cila shpjegon se punësimi i saj është bërë pas konkurrimit në portal.
Mariglena ka përfunduar studimet e larta në universitetin “Fan S. Noli” Korçë për Histori-Gjeografi. Pas konkurrimit në portalin “Mësues për Shqipërinë” është punësuar si mësuese e Historisë-Gjeografisë në shkollën 9-vjeçare “3 Dëshmorët”, Vloçisht, Korçë.
Portali “Mësues për Shqipërinë” është një sistem që aplikohet nga ministria e Arsimit, Sportit dhe Rinisë që prej 5 vitesh, i cili tashmë që në korrik të 2018-ës është bërë pjesë e ligjit të arsimit parauniversitar, që do të thotë se kush nuk zbaton portalin “Mësues për Shqipërinë”, ka shkelur ligjin.
Ky mekanizëm është ngritur në funksion të emërimit të mësuesve në bazë meritokracie duke u siguruar që pjesë e sistemit të jenë më të mirët. /z.tosku//ATSH/
