Sizmologu, Rrapo Ormeni deklaroi sot se lëkundjet e fundit që po ndihen në zonën e Durrësit dhe në qarqet e tjera përreth është një proces normal pasi është e nevojshme që energjia të çlirohet.
“Njerëzit duhet të mësohen me pas goditjet e tërmetit, pasi nuk janë mësuar se ka 40 vjet që nuk ka patur tërmet kaq të forta sa ai i 26 nëntorit. Siç kemi theksuar gjatë ditëve në vijim, kanë rënë shumë pasgoditje, 1300 të tilla që nga data 26. Duhet pasur parasysh, ata që janë të dallueshëm, 3 lëkundje kanë qenë mbi 5 rihter , 25 mbi 4 rihter , 130 mbi 3, ndërsa të tjerët nuk ndihen, por regjistrohen nga aparaturat. Që nga mbrëmë kemi patur të tjera pasgoditje. Është diçka normale që energjia të çlirohet nga zona sizmike. Është e nevojshme të kemi çlirim energjie dhe pasgoditje. Nuk ka vend për panik. Sigurish as në zonën e Durrësit. Në Tiranë ai vjen një ose 1.5 shkallë më e vogël”.
“Është një proces normal, njerëzit duhet ta dinë se energjia duhet të çlirohet. Besoj janë të vetëdijshëm se kanë rënë disa pas goditje dhe nuk kanë bërë pasoja”, tha ai.
Sizmologu Ormeni shtoi se “tërmeti si ai i 26 nëntorit me magnitudë 6.3 rihter japin pasgoditje dhe njerëzit do mësohen më këtë gjë. Nuk ka asnjë problem, është një gjë normale. Kështu secili të jetë në shtëpinë e tij nuk ka vend për panik”.
“Nuk ka asnjë lloj vendi për panik dhe nuk kanë asnjë lloj efekti”, thekson ai.ATSH
