Dy kamionë me ndihma humanitare u nisen sot nga Budapesti drejt Tiranës në mbështetje të Shqipërisë pas rënies së tërmetit më 26 nëntori. Ambasada e Shqipërisë në Hungari bën të ditur se ndihma e ofruar vjen si një përgjigje e menjëhershme e Drejtorisë së Përgjithshme Kombëtare për Menaxhimin e Fatkeqësive në Ministrinë e Brendshme hungareze ndaj thirrjes së shpallur nga Ministria shqiptare e Mbrojtjes. Gjate ceremonisë së organizuar me këtë rast, ambasadori Arjan Spasse u shprehu autoriteteve hungareze mirënjohjen e popullit shqiptar për ndihmat bujare.
