Policia e Peqinit ka nisur hetimet për një mësues të një shkolle 9-vjeçare. Sipas njoftimit zyrtar bëhet me dije 51-vjeçari ka goditur një nxënës të klasës së 7-të në oborrin e shkollës. Ngjarja është shënuar në datën 10 të këtij muaji, teksa denoncimi në Polici është bërë nga vetë i mituri.
“Specialistët për Hetimin e Krimeve të Komisariatit të Policisë Peqin referuan materialet në Prokurori ku nisi procedimi për shtetasin B. D., 51 vjeç, mësues në një shkollë 9-vjeçare në Peqin, pasi dje, ka kallëzuar një nxënës i klasës së 7-të të kësaj shkolle, se më datë 10.02.2026, në oborrin e shkollës, ky mësues e ka goditur në trup, për motive të dobëta”, njoftoi sot policia.
