Situata e krijuar për shkak të motit të ftohtë, të shoqëruar me erë, por edhe në zona të vecanta me rreshje të lehta dëbore, qafa e llogarasë në Vlorë dhe qafa e Muzinës dhe syri i kaltër, ndër zonat , ku është kërkuar vëmendje maksimale, për shkak të problematikave. Prefekti i qarkut Vlorë Flamur Mamaj, ka konfirmuar se referuar situatës së motit me temperatura të ulta, në këto zona problematike, janë shënuar ngrica në rrugë, por fatmirësisht për shkak të ndërhyrjeve me hedhjen e skorjeve dhe kripës në rrugë, nuk janë shoqëruar problematika. Qarkullimi edhe pse temperaturat kanë shënuar vlera minimale, nuk ka patur ndërprerje, ndërsa situata vijon gjithsesi të ndiqet me vëmendje. Prefekti Mamaj, ka konfirmuar se në qark janë tre zonat problematike, Qafa e Llogarasë, dhe ajo e Muzinës ndër më problematiket, por edhe Syri i Kaltër, zona ku shënohen rreshjet e para të dëborës me uljen e temperaturave, ndaj dhe vëmendja maksimale është përqëndruar në këto zona, ku në terren mbeten kontreaktorët, për të evituar në cdo rast problematikat që mund të krijohen, kjo edhe për shkak të ngricave nga temperaturat e ulta të këtyre ditëve.
