Kanë mjaftuar pak minuta shi për të shkaktuar kaos në qytetin e Durrësit. Një stuhi me reshje shiu, ka bërë që rrugët në qytetin e Durrësit të bëhen të pakalueshme, si për makinat ashtu edhe këmbësorët.
Gazetarja e ABC News, Enkelejda Arapi raporton se reshjet e dendura të shiut kanë përmbytur dhjetra rrugë në qytetin e Durrësit. Rrjeti i kanalizimeve nuk ka mundur të përballojë sasinë e madhe të reshjeve dhe për pasojë niveli i ujit në rrugë është rritur dukshëm.
Kjo situatë ka krijuar probleme në levizjen e këmbësorëve por edhe në qarkullimin e mjeteve motorike, një pjesë e të cilave janë fikur ne rruge.
Gjendja më e vështirë paraqitet në hyrje të qytetit te Durësit, pranë rrethrrotullimit, në shetitoren Taulantia, rrugën paralele me portin por edhe në disa lagje të tjera. Kjo situatë në Durrës përsëritet sa herë që ka reshje shiu me intesitet të lartë. /abcnews.al
