Vijon që prej ditës së djeshme djegia e një masiv pyjor kryesisht pisha në Gurë të Zi, njësia Administrative Labinot Mal në Elbasan. Terreni i vështire ka veshtirësuar mjaft punën e zjarfikëses ndërsa për të arritur në vendngjarje nevojiten më shumë se dy ore. Shqetësues është fakti se terrni i djegur kufizohet me pyjet e pikës turistike Funar.
Ndërhyrja e repartit të zjarrfikësve bëhet me pompa krahu. Gjatë pasdites së djeshme puna u veshtirësua mjaft nga prezenca e erës, ndërsa sot ndonëse nuk ka erë temperatura e larte ndikon negativisht. Ende nuk dihet me saktësi sa është sipërfaqa e djegur deri tani, por shihet pozitiv fakti se është prekur një masiv pishe jo i shëndetshëm.
