Përfundimi i gërmimit arkeologjik të shpëtimit, në P.A. Amantia. Amantia surprizon përsëri! Në zbatim të vendimit Nr. 41, datë 08.02.2021 të Këshillit Kombëtar të Trashëgimisë Kulturore Materiale, D.R.T.K-Vlorë dhe Instituti Kombëtar i Trashëgimisë Kulturore përfunduan gërmimin arkeologjik të shpëtimit të varrit monumental, në varrezën antike të parkut arkeologjik të Amantias.
Si rezultat i gërmimit arkeologjik të kryer në harkun kohor të dy muajve, u zbulua e gjithë struktura arkitektonike e monumentit antik.
Varri, i cili i përket tipit të mbular me qemer është një ndër ekzemplarët e rrallë të këtij tipi, që i ruan pothuajse të gjithë elementët arkitektonik. Përmasat e mëdha, veçoritë në elementët e ndërtimit, si dhe veçoritë në elementët e mbulimit i japin monumentit vlera unikale.
Falë kësaj ndërhyrje, monumenteve të shumta dhe unikale të parkut arkeologjik të Amantias i shtohet tashmë edhe një tjetër pikë e vizitueshme në itinerarin turistik.
Rezultatet e procesit të gërmimit dhe dokumentimit janë ende në fazë studimi nga specialistët përkatës, kështu që për kronologjinë e ndërtimit të varrit monumental mund të propozohet vetëm një datim paraprak, i cili mendohet që daton rreth shek. III p.Kr.
