Ka përfunduar takimi i kryetarit të Partisë Demokratike Lulzim Basha me ambasadorët, Yuri Kim, Luigi Soreca dhe Duncan Norman. Mësohet se në tryezë ishin të pranishëm edhe aleatët e opozitës, Oerd Bylykbashi dhe Petrit Vasili, ndërsa takimi është kërkuar nga vetë kreu i demokratëve.
Ndërkohë, ky takim vjen një orë para mbledhjes së Këshillit Politik, ku do të diskutohet për hapjen e listave dhe ndikimin e amendamenteve kushtetuese tek koalicionet parazgjedhore. Ditën e djeshme PS konfirmoi pjesëmarrjen në këtë mbledhje. Sakaq dje ambasadorja amerikane Yuri Kim bashkë me Luigi Sorecën zhvilluan një takim me kryeministrine Edi Rama, ku në fokus ishte Reforma Zgjedhore.
