Aktorja e famshme turke Neslihan Atagul, pjesë e shumë serialeve është çuar me urgjencë në spital, si pasojë e përkeqësimit të gjendjes së saj shëndetësore. Aktorja vuan nga koliti dhe është këshilluar nga mjekët të kujdeset më shumë për gjendjen e saj shëndetësore dhe se duhet të bëjë pushim deri sa të normalizohet.
Në serialin e famshëm turk “ Vajza e Amasadorit” që është në transmetim, aktorja ka thënë se nuk do të jetë më pjesë pasi gjendja e saj shëndetësore nuk e lejon.
“Përshëndetje të gjithëve. Unë i them lamtumirë Nares, të cilën unë e ndjeva deri në qelizat e mia ndërsa luaja. Edhe pse e tolerova problemin që kisha prej kohësh, trupi im nuk tregoi atë tolerancë ndaj meje. Kam nevojë për pak pushim. Përshëndes ekipin tim të serialit “Vajza e Ambasadorit! Faleminderit djema. Faleminderit audiencës sonë. Ju gjithmonë na keni mbështetur. Shihemi në histori të tjera sa më shpejt të jetë e mundur…”,- kishte deklaruar aktorja.
