Afërsitë e qytetit të Modenas në Italinë veriore janë përmbytur si pasojë e një stuhie të fuqishme që ka shkaktuar daljen e lumit Panaro nga shtrati i tij. Erëra të forta, stuhi reshjesh shiu dhe dëbore kanë qenë shkaku i rritjes dhe fryrjes së nivelit të ujit, gjë që kanë përmbytur rrugët dhe fushat përgjatë lumit.
Njësitë e emergjencave civile kanë mbërritur menjëherë në vendin ku ka pasur probleme më të mëdha për të ndihmuar qytetarët që të shpërngulen nga shtëpitë e tyre, si dhe për të ndihmuar ato persona të bllokuar në mjediset e brendshme. Brigada e zjarrfikësve me anë të një gomoneje ka arritur të shpëtojnë jo vetëm qytetarë, por edhe disa kafshë.
