Bashkia e Shijakut është një nga më të prekurat në Durrës, nga reshjet intensive të ditëve të fundit. Sipas abc news bëhet me dije se të paktën 20 banesa në fshatin Rrushkull janë përmbytur dhe si pasojë një pjesë e banorëve janë evakuuar në Kavalishensën e Durrësit. Sipas banorëve situata ka qenë e vështirë me kohë, ndërsa theksojnë se prej 25 vitesh askush nuk vë dorë në këtë zonë, për të parandaluar përmbytjet në kohë reshjesh.
Më konkretisht, një ndër banorët është shprehur se:
Situata ka qenë e vështirë, ka një javë që fusha është mbuluar totalisht, në shtëpi nuk është futur, investimi i Bashkisë së Sukthit na ndihmoi, bënë një argjinaturë. Kam 25 vite këtu, taksat i paguajmë, këtu nuk është vënë dorë. Kishte ardhur uji te shkallët, situata ishte e vështirë, në urë dje kishte një metër ujë. Erdhi kryetarja, do çoheni tha, ne nuk dëgjuam ku t’i çojmë lopët. Sot ka ra uji. Kemi dhe një javë pa ujë të pijshëm. Sot jemi pa ujë.
Ndërsa një banor tjetër i zonës është shprehur se ata përmbyten pothuajse çdo vit, vetëm për një ditë punë tek Erzeni dhe një javë pune tek kanali.
Banori ka thënë se: Nuk ka asnjë lloj investimi. Për 25 vjet këtu vetëm vijnë kur vete puna te vota, nuk e kthen kokën njeri për të parë çfarë bën populli.
